Trium Puerorum

Ant. Trium puerórum cantémus hymnum, quem cantábant sancti in camíno ignis, benedicéntes Dóminum. (T.P. Alleluia) (Dan 3: 57-88; 56)

1. Benedícite, ómnia opera Dómini, Dómino; laudáte et superexaltate eum in saecula.

2. Benedícite, cæli, Dómino, benedícite, ángeli Dómini, Dómino.

3. Benedícite, aquæ omnes, quæ super cælos sunt, Dómino, benedicat omnis virtus Dómino.

4. Benedícite, sol et luna, Dómino, benedícite, stellæ cæli, Dómino.

5. Benedícite, omnis imber et ros, Dómino, benedícite, omnes venti, Dómino.

6. Benedícite, ignis et æstus, Dómino, benedícite, frigus et æstus, Dómino.

7. Benedícite, rores et pruína, Dómino, benedícite, gelu et frigus, Dómino.

8. Benedícite, glacies et nives, Dómino, benedícite, noctes et dies, Dómino.

9. Benedícite, lux et ténebræ, Dómino, benedícite, fúlgura et nubes, Dómino.

10. Benedícat terra Dóminum: laudet et superexáltet eum in saecula.

11. Benedícite, montes et colles, Dómino, benedícite, univérsa germinántia in terra, Dómino.

12. Benedícite, mária et flúmina, Dómino, benedícite, fontes, Dómino.

13. Benedícite, cete, et ómnia, quæ movéntur in aquis, Dómino, benedícite, omnes vólucres cæli, Dómino.

14. Benedícite, omnes béstiæ et pécora, Dómino, benedícite, filii hóminum, Dómino.

15. Bénedíc, Israël, Dómino, laudáte et superexaltáte eum in saecula.

16. Benedícite, sacerdotes Dómini, Dómino, benedícite, servi Dómini, Dómino.

17. Benedícite, spíritus et ánimæ iustórum, Dómino, benedícite, sancti et húmiles corde, Dómino.

18. Benedícite, Anania, Azaria, Misaël, Dómino, laudáte et superexaltáte eum in saecula.

19. Benedicamus Patrem et Filium cum Sancto Spíritu; laudémus et superexaltémus eum in saecula.

20. Benedíctus es in firmaménto cæli et laudábilis et gloriósus in saecula.

(Psalm 150)

21. Laudáte Dóminum in sanctuarío eius, laudáte eum in firmaménto virtútis eius.

22. Laudáte eum in magnálibus eius, laudáte eum secúndum multitúdinem magnitúdinis eius.

23. Laudáte eum in sono tubæ, laudáte eum in psaltério et cithara.

24. Laudáte eum in týmpano et choro, laudáte eum in cordis et órgano.

25. Laudáte eum in cýmbalis benesonántibus, laudáte eum in cýmbalis iubilatiónis: omne quod spirat laudet Dóminum.

Gloria Patri …

Ant. Trium puerórum cantémus hymnum, quem cantábant sancti in camíno ignis, benedicéntes Dóminum. (T.P. Alleluia)

Kýrie, eleison, Christe, eleison, Kýrie, eleison.

Pater noster … (dicitur secreto)

Ꝟ. Et ne nos inducas in tentationem.

℟. Sed líbera nos a malo.

Ꝟ. Confiteántur tibi, Domine, omnia opera tua.

℟. Et Sancti tui benedícant tibi.

Ꝟ. Exsultábunt sancti in gloria.

℟. Lætabúntur in cubílibus suis.

Ꝟ. Non nobis, Dómine, non nobis.

℟. Sed nómine tuo da gloriam

Ꝟ. Dómine, exaudi orationem meam.

℟. Et clamor meus ad te véniat.

Sacerdotes dicunt:

Ꝟ. Dóminus vobiscum.

℟. Et cum spíritu tuo.

Oremus.

Deus, qui tribus púeris mitigásti flammas ignium: concéde propítius; ut nos fámulos tuos non exúrat flamma vitiórum.

Acciones nostras, quaesumus, Domine, aspirando praeveni et adiuvando proséquere: ut cuncta nostra orátio et operátio a te semper incípiat, et per te coepta finiátur.

Da nobis, quáesumus, Dómine, vitiórum nostrórum flammas extínguere: qui beato Lauréntio tribuísti tormentórum suórum incéndia superáre.

Per Christum Dóminum nostrum.

℟. Amen.