Preces

Sérviam!

Ꝟ. Ad Trinitátem Beatíssimam.

℟. Grátias tibi, Deus, grátias tibi: vera et una Trínitas, una et summa Déitas, sancta et una Únitas.

Ꝟ. Ad Iesum Christum Regem.

℟. Dóminus Iudex noster; Dóminus Légifer noster; Dóminus Rex noster. Ipse salvábit nos.

Ꝟ. Christe, Fili Dei vivi, miserére nobis.

℟. Christe, Fili Dei vivi, miserére nobis.

Ꝟ. Exsúrge, Christe, ádiuva nos.

℟. Et líbera nos propter nomen tuum.

Ꝟ. Dóminus illuminátio mea et salus mea: quem timébo?

℟. Si consístant advérsum me castra, non timébit cor meum; si exsúrgat advérsum me prœlium, in hoc ego sperábo.

Ꝟ. Ad Beátam Vírginem Maríam Mediatrícem.

℟. Recordáre, Virgo Mater Dei, dum stéteris in conspéctu Dómini, ut loquáris pro nobis bona.

Ꝟ. Ad Sanctum Ioseph Sponsum Beátæ Maríæ Vírginis.

℟. Fecit te Deus quasi Patrem Regis, et dóminum univérsæ domus eius: ora pro nobis.

Ꝟ. Ad Ángelos Custódes.

℟. Sancti Ángeli Custódes nostri, deféndite nos in prœlio ut non pereámus in treméndo iudício.

Ꝟ. Ad Sanctum Iosephmaríam Conditórem nostrum.

℟. Intercéde pro fíliis tuis ut, fidéles spirítui Óperis Dei, labórem sanctificémus et ánimas Christo lucrifácere quærámus.

Ꝟ. Orémus pro Beatíssimo Papa nostro N.

℟. Dóminus consérvet eum, et vivíficet eum, et beátum fáciat eum in terra, et non tradat eum in ánimam inimicórum eius.

Ꝟ. Orémus et pro Antístite huius diœcésis.

℟. Stet et pascat in fortitúdine tua, Dómine, in sublimitáte nóminis tui.

Ꝟ. Orémus pro unitáte apostolátus.

℟. Ut omnes unum sint, sicut tu Pater in me et ego in te: ut sint unum, sicut et nos unum sumus.

Ꝟ. Omne regnum divísum contra se, desolábitur.

℟. Et omnis cívitas vel domus divísa contra se non stabit.

Ꝟ. Orémus pro benefactóribus nostris.

℟. Retribúere dignáre, Dómine, ómnibus nobis bona faciéntibus propter nomen tuum, vitam ætérnam. Amen.

Ꝟ. Orémus pro Patre.

℟. Misericórdia Dómini ab ætérno et usque in ætérnum super eum: custódit enim Dóminus omnes diligéntes se.

Ꝟ. Orémus et pro frátribus nostris Óperis Dei, vivis atque defúnctis.

℟. Salvos fac servos tuos, Deus meus, sperántes in te.

Ꝟ. Mitte eis, Dómine, auxílium de sancto.

℟. Et de Sion tuére eos.

Ꝟ. Réquiem ætérnam dona eis, Dómine.

℟. Et lux perpétua lúceat eis.

Ꝟ. Requiéscant in pace.

℟. Amen.

Ꝟ. Dómine, exáudi oratiónem meam.

℟. Et clamor meus ad te véniat.

Sacerdos, si Preces moderatur, exsurgit et addit Dóminus vobíscum, stans etiam dum recitat orationem.

Ꝟ. Dóminus vobíscum.

℟. Et cum spíritu tuo.

Orémus.

Deus, cui próprium est miseréri semper et párcere: súscipe deprecatiónem nostram. Ure igne Sancti Spíritus renes nostros et cor nostrum, Dómine: ut tibi casto córpore serviámus, et mundo corde placeámus.

Actiónes nostras, quǽsumus Dómine, aspirándo prǽveni et adiuvándo proséquere: ut cuncta nostra orátio et operátio a te semper incípiat, et per te cœpta finiátur. Per Christum Dóminum nostrum.

℟. Amen.

Omnes dicunt:

Gáudium cum pace, emendatiónem vitæ, spátium veræ pœniténtiæ, grátiam et consolatiónem Sancti Spíritus atque in Ópere Dei perseverántiam, tríbuat nobis Omnípotens et Miséricors Dóminus.

Ꝟ. Sancte Míchaël.

℟. Ora pro nobis.

Ꝟ. Sancte Gábriel.

℟. Ora pro nobis.

Ꝟ. Sancte Ráphaël.

℟. Ora pro nobis.

Ꝟ. Sancte Petre.

℟. Ora pro nobis.

Ꝟ. Sancte Paule.

℟. Ora pro nobis.

Ꝟ. Sancte Ioánnes.

℟. Ora pro nobis.

Cum adsit aliquis Sacerdos, dignior ait: Iube, Domne, benedícere.

Sacerdos benedicit: Dóminus sit in córdibus vestris, et in lábiis vestris, in nómine Patris ✠ et Fílii et Spíritus Sancti.

℟. Amen.

Ꝟ. Pax.

℟. In ætérnum.

CONCORDAT CUM ORIGINALI IN ARCHIVO PRÆLATURÆ ASSERVATO.

DR. ERNST BURKHART. ROMÆ, 9 IANUARII 2012.